Trepça – Bashkimi, superfinalja e Kupës së Kosovës

Finalja e Kupës së Kosovës pritet të dhurojë spektakël të madh të basketbollit.

Trepça dhe Bashkimi pas një rrugëtimi jo të lehtë do të luftojnë për trofeun e çmuar të basketbollit të Kosovës.

Mitrovicasit synojnë të fitojnë Kupën për herë të katërt radhazi, derisa prizrenasit për herë të parë pas vitit 2001.

Ndeshja do të zhvillohet në Pallatin e Rinisë dhe Sportit në Prishtinë, më 12 shkurt, nga ora 19:00.

Federata e Basketbollit e Kosovës (FBK) është duke bërë të gjitha përgatitjet e nevojshme, që kjo finale të jetë spektakël i basketbollit.

FBK po ashtu është duke bashkëpunuar ngushtë me Policinë e Kosovës, dy klubet Trepçën dhe Bashkimin, si dhe të gjitha Grupet e Interesit që organizimi të jetë sa më i mirë i mundshëm.

FBK po ashtu bën thirrje te tifozët të respektojnë rregullat e të mos ketë incidente dhe kjo finale të shkojë në mënyrën më të mirë të mundshme.

(Kosova Sot Online)