Ronaldo dhe rivaliteti i tij me Leo Messin: Kam qenë edhe përkthyesi i tij

Cristiano Ronaldo ka folur edhe për rivalitetin e tij historik me Lionel Messin. Gjatë një interviste të gjatë, ylli portugez ka deklaruar se gjithmonë shkonte mirë me argjentinasin dhe zbuloi se ai ka vepruar edhe si përkthyes për “Pleshtin”.

“Ne jetonim me tension në sipërfaqe. Ishte një rivalitet historik. Madrid-Barça, Cristiano-Messi, Ramos-Pique. Ishte shumë mirë. Ne ishim bashkë për 15 vjet në ceremonitë gala të çmimeve dhe gjithmonë shkonim mirë.

Një herë, në një event, unë përktheva për të se çfarë thonin ata në anglisht. Ai mbronte klubin e tij dhe unë timin, ai mbrojti ekipin e tij kombëtar dhe unëtimin, shpresoj që t’i shohim përsëri numrat tanë, edhe pse është shumë e vështirë.”

Duke folur për rivalitetin mes Real Madridit dhe Barcelonës, Cristiano Ronaldo kujtoi se çfarë ndjeu kur luante në Camp Nou. “Më pëlqente të luaja dhe të shënoja gola atje. Ishte një stadium ku ngjitesha dhe tundesha, kishte një atmosferë tjetër. Nuk më interesonin ofendimet, mendoja vetëm të shënoja një gol për t’i mbyllur gojën atyre njerëzve. Më pëlqente të shënoja gola më shumë në Camp No, më shumë sesa në Bernabeu”.

(Kosova Sot Online)