A mund ta fitojë Liverpooli titullin?

Liverpooli momentalisht është 13 pikë larg vendit të dytë në krye të tabelës së Premierligës, dhe mund ta sigurojë titullin e kampionit, hiq më larg se më 5 prill.

Nëse Liverpooli fiton tri ndeshjet e radhës ndaj Southamptonit, Evertonit dhe Fulhamit, dhe Arsenali i humb katër ndeshje rresht ndaj Manchester Unitedit, Fulhamit, Chelseat dhe Evertonit, skuadra e Arne Slot mund ta festojë titullin më 5 prill.

Nëse Liverpooli e mban epërsinë prej 13 pikëve në krye të tabelës, atëherë në një rast tjetër mund ta fitojë titullin në ndeshjen ndaj Tottenhamit më 26 prill.

Nëse Arsenali e fiton ndeshjen që e ka më pak se Liverpooli, dhe fiton sa herë që fiton ekipi i Slot, atëherë “Te Kuqtë” mund ta festojnë titullin më 3 maj në “Stamford Bridge”.

Për fund, nëse Liverpooli ka nëntë pikë ose më pak se vendi i dytë, atëherë titullin do ta festojë në “Anfield” ndaj Arsenalit më 10 maj.

Liverpooli s’e ka fituar titullin e kampionit në Premierligë që nga sezoni 2019/20, derisa Arsenali në anën tjetër nuk ka shijuar titull kampioni në elitën e futbollit anglez që nga viti i largët, 2004.

(Kosova Sot Online)