Lexoni edhe:
Ja ku u fsheh Gjesti pasi ju tha banorëve se do të largohet nga shtëpija
Adoleshenti futet me armë e municion në aeroplan, kapet nga pasagjerët e piloti
Policia në Australi ka akuzuar një 17-vjeçar që kishte arritur të hynte në një aeroplan me pushkë e me municion, transmeton gazeta “Kosova Sot Online”.
Ai u filmua duke u përplasur në tokë nga pasagjerët dhe ekuipazhi teksa avioni përgatitej të ngrihej nga aeroporti Avalon, afër Melburnit, duke transportuar 160 njerëz të nisur për në Sidnej të enjten pasdite.
Policia beson se adoleshenti hyri në pistën e aeroportit duke thyer një gardh sigurie, përpara se të ngjitej në shkallët e përparme të avionit, ku u përplas përtokë pranë derës së përparme.
17-vjeçari, i cili nuk është identifikuar, është arrestuar dhe do të paraqitet në gjykatë për t’u përballur me tetë akuza.
Pamjet e publikuara nga gazeta australiane 7News treguan se i dyshuari po ndalohej nga një pasagjer, ndërsa një anëtar i ekuipazhit tokësor dhe një pilot hoqën një rrip shërbimi që përmbante mjete që i dyshuari mbante.
(Kosova Sot Online)
