Festë dhe urime speciale, ja si e priti Ledri Vula 35-vjetorin e lindjes

G.g /
10 July 2021 - 09:46

Ledri Vula feston sot 35 vite jetë dhe për këtë ditë të shënuar ai organizoi në mesnatë një festë më miqtë e njerëzit më të afërt. Reperi mblodhi në një lokal nate gjithë kolegët me të cilët ruan raportet e mira dhe familjarët e tij. Në festën e tij të ditëlindjes nuk munguan këngëtarë të famshëm si Kida, Butrint Imeri, Ronela Hajati, Lumi B etj.

Në nisje të festës, Ledri fiku qirinjtë e tortës, ku në mes shkruhej 35. Në ditëlindjen e reperit nuk mungoi edhe nëna e tij, Xheraldina, që si në çdo vend tjetër ishte shpirti i festës. Gjithashtu ajo i bëri një dedikim shumë të ëmbël reperit në rrjete sociale.

Xheraldina ka ndarë në Instagram një foto të Ledrit, i cili shihet i lumtur duke mbajtur në krahë të voglën e familjes, Poem Blu.

“Ledri paç shëndet e jetë të gjatë. Qofsh krahë i fortë e i ndjeshëm për Poin. Vazhdo të lësh gjurmë të mira ngado që e qet hapin. Të don, Nini!”, shkruan Xheraldina në urimin e saj.

Kujtojmë se para disa javësh, familja Vula pati një tjetër festë të rëndësishme. Edhe Sara Hoxha festoi ditëlindjen dhe për këtë rast u organizua një festë, ku nuk munguan urimet dhe surprizat nga ana e Ledrit.

“Ditëlindja jonë e parë të tre. Gëzuar ditëlindjen Cul”, shkroi Ledri në urimin për Sarën.