Luana Vjollca sjell pamje brenda festës së ditëlindjes, shkëlqen e rrethuar me miqtë e zemrës
Luana Vjollca në fillim të këtij muaji (2 shtator) festoi ditëlindjen e 30-të.
Moderatorja e njohur shqiptare ka festuar pothuajse tërë muajin ditën e saj të veçantë, duke pranuar urime dhe dhurata nga miqtë dhe fansat e saj.
Gjatë gjithë kohës, Luana ka ndarë imazhe e video të ndryshme me fansat në Instagram, duke u shprehur se kjo ishte ndër ditëlindjet e saj më të mira.
Ndërsa, tani prezantuesja ka sjell për ndjekësit në llogarinë e saj personale të Instagramit ku ndiqet nga më shumë se 2 milionë persona, pamje brenda festës që organizoi me miqtë e saj.
Në disa fotografi ku ajo shihet e veshur me shumë stil dhe elegancë, Luana shihet e rrethuar me shumë dashuri nga njerëzit e saj të zemrës.
“Meqë e festuam tërë muajin ditëlindjen jemi brenda me fotot. 2 shtatori me miq zemre!”, ka shkruar Luana në mbishkrimin e fotove.
Përveç festës me miq, Luana kaloi pushimet në Mykonos të Greqisë, ndërsa pritet që shumë shpejt të rikthehet në ekran me një projekt televiziv.
(Kosova Sot Online)
