Pas divorcit me modelen që e njohu në rrjetet sociale, Fero braktis familjen si baba i ri dhe nis karrierën në Amerikë

Reperi Fero ka braktisur gjithçka pas divorcit të përfolur me modelen Arbenita Ismajlaj dhe është vendosur në Shtetet e Bashkuara të Amerikës, ku ka zbuluar se disa projekte në gjuhën angleze janë gati. Ai njoftoi se do të nisë karrierë të re në Amerikë, duke thënë se në fund të fundit kjo ishte ëndrra e tij.

Përmes videos së postuar në “Instagram”, reperi tha se është gati për të punuar shumë në këtë drejtim. Këtë vendim artisti e mori gati një muaj pas ndarjes nga partnerja, pak muaj pasi u bënë prindër.

Çifti shumë i dashur nga publiku, Fero dhe Arbenita, u bënë prindër për herë të parë me datë 24 prill. Modelja solli në jetë një vajzë, të cilën e pagëzuan me emrin Nina. Që nga ajo ditë, çifti ka shijuar çdo moment me të bijën, duke e ndarë edhe në rrjetet sociale me fansat.

Mirëpo, së fundmi duket se diçka ka ndodhur mes tyre, pasi çifti nuk ndiqen më në rrjetet sociale dhe kjo ngjalli dyshimet se marrëdhënia e tyre ishte prishur. Më pas ata bënë deklarata të qarta, duke treguar se jo vetëm ishin ndarë, por ishin ndarë shumë keq.

Nuk dihet se si do e zgjidhin kujdestarinë e fëmijës, sidomos pasi ai vendos të shkojë të jetojë në SHBA. Gjithsesi, miq të tyrë të afërt e kanë konsideruar këtë një “divorc” të hidhur që ka lënë jo pak pasoja.

Reperi Fero dhe modelja Arbenita Ismajli i dhanë fund beqarisë në muajin shkurt dhe këtë lajm e konfirmoi vetë modelja. Ata i thanë “Po” njëri-tjetrit në atmosferën e Shën Valentinit.

“Të sapomartuar”, shkruante Arbenita krahas fotos së publikuar në “InstaStory”. Fill pas këtyre lajmeve, disa media rozë shkruanin se Arbenita ishte shtatzënë dhe ata ishin në pritje të fëmijës së parë.

Fero tregoi më herët se ishte njohur me Arbenitën në rrjete sociale, ai shkruante se më pas shin takuar në Shkup për herë të parë. Ndryshe nga femrat e tjera, reperi rrëfeu se Arbenita e kishte bërë menjëherë për vete.

“E kam pëlqyer Arbenitën. Unë nuk u kam shkruar kurrë femrave, sepse gjithmonë më kanë shkruar dhe më kanë zënë vetë. Por Arbenita është femra e parë që kam pëlqyer dhe e kam bërë për vete. Jemi takuar në Shkup për herë të parë”, ka treguar Fero.

Reperi 24-vjeçar Fero (Feron Shabani) i dha fund historisë problematike me modelen seksi, Arbenita Ismajli, pas disa ndarjes. Një ndarje e shumëpërfolur ishte ajo para dy vitesh, kur sapo kishin kishin nisur bashkëjetesën në Gjermani. Ndarjen e tyre e konfirmoi vetë reperi përmes një postimi në “Instagram”, deklaratë që e shoqëronte me disa emoji duke qarë dhe më pas duke qeshur.

Ndërsa në një postim të dytë, reperi e pranonte se fajin për ndarjen e ka pasur vetë ai. Këto konfirmime vinin pak ditë pasi Fero publikoi një video, ku shfaqej së bashku me një vajzë tjetër misterioze, por pa i zbuluar fytyrën. Ai preferoi ta mbante të fshehtë portretin e saj, duke shtuar më tepër dyshimet se kjo ishte vajza, për të cilën ai la Arbenitën.

Në këtë situatë delikate, Arbenita nuk qëndroi duarkryq, pasi u fotografua e vetme në aeroport me valixhe duke u kthyer në Maqedoni dhe duke lënë bashkë me Feron edhe Berlinin, qytetin ku bashkëjetoi më këngëtarin. Burime pranë saj pohuan se jeta e saj do të vazhdonte në Londër, aty dhe ku jeton prej vitesh, dhe ku pritet të kthehet sërish.

Pas publikimit të atyre fotove të tradhtisë së Feros, Arbenita konfirmoi ndarjen në mënyrën e saj, por s’kaloi shumë kohë dhe ata u pajtuan sërish. Në fakt, kjo nuk është hera e parë që çifti i njohur kanë probleme në lidhjen e tyre, pasi janë përfolur shpesh për ndarje, por ata janë rikthyer sërish në krahët e njëri-tjetrit.

Në të gjitha rastet, arsyeja e konflikteve ka qenë “tradhtia” e reperit me vajza të ndryshme, një prej të cilave u mediatizua, pasi bëhej fjalë për një Miss, njëkohësisht fanse e Feros. Duhet thënë se kjo ishte historia më e bukur që po komentohet këto kohë në shtypin rozë.

Lidhja e Feron Shabanit, i njohur si Fero, me modelen që jeton në Londër, Arbenita Ismajlin, u zbulua që në fund të vitit 2018, por postimet me fotot apo dedikimet e dashurisë nisën në fillim të vitit tjetër. I ftuar në një emision radiofonik “72 #sen”, reperi nuk mundi që t’i shpëtonte pyetjes në lidhje me këtë pritje të ëmbël të mundshme.

Ndërkohë, kujtojmë se çifti prej kohësh e vazhdoi lidhjen në distancë mes Kosovës dhe Anglisë, ku Arbenita punon si modele për disa agjenci dhe marka veshjesh. Duke qenë se nuk e përballuan dot lidhjen në distancë, ata vendosën të bashkëjetonin, pas së cilës erdhi direkt ndarja edhe pse tashmë janë prindër.

Po kush është djaloshi Fero dhe pse jeta e tij intrigon kaq shumë? Një nga klipet e tij të fundit titullohet “Bona fam”, një këngë që ia dedikon famës së tij të mënjehershme në muzikë. Edhe pse vetëm 24 vjeç, Fero është kthyer tashmë në një nga reperët më të njohur dhe të suksesshëm e kjo shihet nga klikimet e shumta që marrin këngët e tij.

Fero është komentuar shumë rreth përplasjeve me reperët e të tjerë e kërcënimet me armë, që i ndodhën në fillim të këtij viti. Dhe pas famës së menjëhershme brenda një viti, shumë shpejt u zbulua se Fero është i dashuruar me modelen seksi me origjinë nga Maqedonia, Arbenitën.

Modelja dhe reperi kanë shkëmbyer herë pas here edhe komente publike me njëri-tjetrin, ku nuk kanë munguar zemrat, ndërkohë që ka dalë dhe fotoja e parë ku ata pozonin të përqafuar në shoqërinë e njëri-tjetrit. Nga ana e saj, Arbenita Ismajli, nuk është një vajzë e panjohur për publikun.

Pesë vite më parë, ajo u shfaq si figurante në klipin “S’jena mo” të Getoar Selimit dhe Majkut. Gjithsesi, të gjithë e njohin tashmë. I ri në moshë, por fama e tij po rritet ndjeshëm. Fero ka bërë “namin” në rrjetet sociale duke bërtitur “Gang Gang”, për të promovuar këngën me të njëjtin titull dhe me të vërtetë ka rezultuar mjaft e suksesshme, jo vetëm ajo, por edhe projektet e tjera tjera më pas.

Kujtojmë që ky fillim viti ishte i vështirë për reperin e njohur kosovar, pasi u sulmua nga katër persona, rrahje e dyshimtë, pas së cilës ai përfundoi në paraburgim. Sa i takon muzikës, në fillim të karrierës së tij nuk pati shpërthimin e duhur, kur publikonte këngë audio me emrin Profero.

Ai njihet edhe si tekstshkrues shumë i mirë, pasi ka bashkëpunuar me emra si: Adelina Berisha, Mergim Mjeku, Kida, Xhensila, Endri etj. Në vitin 2013 publikoi videoklipin “Real Hip Hop”.

Mund të themi se edhe pse doli me shumë krijime nga viti 2016, hovin e vërtetë e mori me “Gang Gang”, që është hiti i tij. Le të shohim se si do të vazhdojë kariera e tij e re në SHBA tashmë si beqar, një karrierë për të cilën ai ka thënë se e ka pasur ëndërr në sirtar.

1 / 3

2 / 3

3 / 3