Detaje të reja që tregojnë se Kylie mund ta ketë lindur fëmijën e saj të dytë!

G.g /
15 January 2022 - 16:04

Sërish, lart e poshtë po flitet se miliarderja Kylie Jenner mund ta ketë lindur fëmijën e saj të dytë megjithëse në postimet e rrjeteve sociale po tregon të kundërtën.

Ajo ndau mbrëmë në Instagram foto nga festa e babayshower-it, ku na tregoi ca detaje të lezetshme nga organizimi.

Mirëpo, ca komente në TikTok, që mendohet se vijnë nga llogaria personale e Mason Disick, djalit të Kourtney-t dhe Scott, i përgjigjen pyetjeve lidhur me bebushin e Kylie-t.

“Si është fëmija i Kylie-t?”

“Mirë”- përgjigjet ai.

“E ka marrë Kylie makinën e re ‘për nëna’, për Stormi-n dhe djalin e saj?”

“Po”- shkruan llogaria, duke konfirmuar gjithashtu edhe gjininë e bebushit.

Megjithatë, ende nuk është e konfirmuar nëse Mason fshihet pas kësaj llogarie apo dikush tjetër.

Kujtojmë se në një foto të fundit që Travis Barker ka shpërndarë në rrjetet sociale, fansat e Kylie Jenner sërish kanë besuar se ajo ka lindur.

Fansat fillimisht spekuluan se modela kishte lindur tashmë pasi motra e saj Khloe Kardashian postoi një foto të vajzës së Kylie Stormi e veshur me maskë në një mbledhje Krishtlindjesh. Kunati i ardhshëm i Kylie, Travis, mund të ketë ndarë një tjetër të dhënë se 24-vjeçarja ka lindur.

Ndërsa bateristi i Blink-182 u pa duke parë klasikun e Krishtlindjeve “How the Grinch Stole Christmas”, kishte diçka në foto që i bëri fansat të dyshonin.

Në pamje shihet ekrani i televizorit së bashku me dekorimet e Krishtlindjeve dhe një tavolinë kafeje me një tenxhere me trëndafila të kuq, libra dhe një filxhan çaji.

Megjithatë, vëmendja e fansave tërhoqi drejt një objekti tjetër në tavolinë. Një shishe bebeje e mbushur gjysmë ishte lënë në tavolinën e kafesë duke shkaktuar spekulime se shishja i përkiste të porsalindurit të Kylie. Postimi u rishpërnda në një faqe të fansave të Kardashian, “Kardashian News”, ku fansat ndanë teoritë e tyre.