Lexoni edhe:
Futbollisto Jordan Henderson merr ofertë të çmendur joshëse nga Arabia Saudite
Kërkohet paraburgim ndaj reperit “Fero”, dyshohet për dhunë në familje
Prokuroria Themelore në Gjilan ka bërë kërkesë pranë Gjykatës Themelore në Gjilan, për caktimin e masës së paraburgimit ndaj reperit Feronit Shabani, i njohur me emrin “Fero”, transmeton "Kosova Sot Online "
Lajmi është bërë i ditur për “Betimi për Drejtësi”, nga zëdhënësja e Prokurorisë Themelore në Gjilan, Liridona Xheladini.
Xheladini tha se reperi Fero dyshohet për veprën penale “Dhunë në familje”.
“Ndaj të njëjtit është kërku masa e paraburgimit për veprën penale Dhunë në familje” është përgjigjur Xheladini.
Ndryshe, sipas raportit 24-orësh të Policisë së Kosovës, ngjarja ka ndodhur me 11 korrik 2023, ku thuhet që pas një mosmarrëveshje, i dyshuari ka kanosur bashkëshorten e tij.
“Gjilan 11.07.2023 – 11:00. Është arrestuar i dyshuari mashkull kosovar pasi që i njëjti pas një mosmarrëveshje, ka sulmuar fizikisht dhe ka kanosur viktimën femër kosovare. Me vendim të prokurorit i dyshuari pas intervistimit është dërguar në mbajtje”, njoftoi Policia.
(Kosova Sot Online )
