Burri që mendonte se “Dua Lipa po i kërkonte para”, gjendet tragjikisht i vdekur në Itali

s.a /
01 August 2024 - 09:24

Trupi i Gianfranco Bonzi është gjetur në lumin Adda në veri të Italisë më 22 qershor, pasi ishte shpallur i zhdukur disa muaj më parë. Policia thotë se po heton nëse ai është mashtruar online për para, transmeton "Kosova Sot Online ".

Sipas informacioneve i ndjeri po gënjehej nga një mashtrues ne rrjet që pretendonte se ishte këngëtarja Dua Lipa.

Lexoni edhe:

Për gripet e ftohjet gjatë verës, ekspertët fajësojnë edhe kondicionerin e ajrit

Bonzi u zhduk në Milano pesë muaj më parë, ndërsa trupi i gjetur muajin që shkoi në lumin Adda është konfirmuar nga analizat se është i njëjti njeri.

59 vjeçari Bonzi, punonte si administrator i pallati banimi dhe kishte bërë një postim të trazuar në rrjet pak para zhdukjes.

Ai shkruante: “Ky është postimi im i fundit dhe një nga veprimet e fundit të jetës time. Arsyeja është një zhgënjim romantik që nuk mund të përballoja”.

Por policia beson se Bonzi kishte rënë viktimë e një mashtrimi online me kriptovaluta, ndërsa raportimet sugjerojnë se mashtruesi pretendonte se ishte këmgëtarja shqiptaro-britanike Dua Lipa.

Bonzi besohet se ka dërguar para për kantautoren e rreme, shkruan rrjeti NeedToKnow.

Ndërsa një i njohur i tij kishte thënë për mediat lokale: “Ai më thoshte se ajo e quante ‘dashuria ime’. Kishte bërë dy tërheqje në bankë nga rreth 2,500 euro secila prej fillimit të vitit. Në fillim të marsit më tha se i kishte dërguar para”.

“Më pas besoj se personi më pas ishte zhdukur. Ai u zemërua dhe u stresua. Ishte i bindur për marrëdhënien që kishte me të dhe ndjehej i tradhtuar thellë, ishte një zhgënjimi madh për të”.

Policia dyshon se Bonzi ka vrarë vetëm pas trazirës emocionale.

Djali i tij Luca, i bënte homazh në një postim të ndjerë: “Baba, nuk ka rëndësi çfarë bëre, do të të dua përgjithmonë, të lutem mos vuaj më. Tani më ruaj nga lart siç ke bërë gjithmonë”.