Lexoni edhe:
Rita Ora pozon së bashku me nënën e saj, kaq bukur duken
A do të jetë Fero kandidat për deputet me AAK-në e Ramush Haradinajt?
Feronit Shabani, i njohur ndryshe si Fero, ka pasur një takim të papritur me Kryetarin e Aleancës për Ardhmërinë e Kosovës (AAK), Ramush Haradinaj, transmeton gazeta “Kosova Sot Online”.
Kjo ka bërë bujë në mediat sociale, pasi Fero ka publikuar një sërë fotografish nga ky takim, duke e ndarë momentin me ndjekësit e tij në Instagram.
Takimi ka ndodhur në zyrat e AAK-së, ku Fero është pritur personalisht nga Haradinaj. Ai ka përshkruar këtë takim në postimin e tij me fjalët: “Në takim me Kryeministrin @ramushharadinajks”, duke u shoqëruar me disa imazhe të bëra gjatë bisedës.
Përshkrimi i Feros ka tërhequr menjëherë vëmendjen e publikut, pasi deri më tani ish-reperi nuk ka shprehur ndonjëherë publikisht qëndrime apo preferenca politike. Takimi mes Feros dhe Haradinajt ka qenë krejtësisht i papritur, duke u bërë një ngjarje e komentuar në mediat sociale dhe në jetën publike, transmeton gazeta “Kosova Sot Online”.
Ky takim vjen në një periudhë të rëndësishme për AAK-në, pasi Ramush Haradinaj ka deklaruar kandidaturën e tij për Kryeministër në zgjedhjet parlamentare që do të mbahen më 9 shkurt në Kosovë. Ende nuk ka detaje të tjera për temën e diskutimeve gjatë takimit, por kjo ngjarje është një tregues i mundshëm i angazhimit të Feros në jetën politike të vendit.
(Kosova Sot Online)
