Lexoni edhe:
Ja ku do të shfaqet Liam Payne
Driloni viziton Prekazin e komandantit Adem Jashari: Aty ku i ka rrënjët liria
Boksieri i njohur Drilon Rama, në shoqërinë e dajës së tij, këngëtarit Skender Hasi, ka realizuar një vizitë të veçantë në Prekazin e komandantit legjendar Adem Jashari, shkruan gazeta "Kosova Sot Online".
Gjatë vizitës, boksieri Rama pati mundësinë të njohë nga afër historinë e këtij vendi dhe të kuptojë më thellë rëndësinë e ngjarjeve që ndodhën aty, të cilat luajtën një rol kyç në çlirimin e Kosovës.
Në këtë vizitë, Drilon Rama shprehu përkushtimin dhe respektin për sakrificën e atyre që dhanë jetën për lirinë e Kosovës dhe theksoi rëndësinë e kujtimit të kësaj historie për brezat që do të vijnë. Ai theksoi se është një nder i madh për të të vizitojë një vend të tillë, i cili përçon mesazhe të fuqishme për lirinë dhe pavarësinë e Kosovës, shkruan gazeta "Kosova Sot Online".
Prekazi është simbol i qëndresës dhe sakrificës së popullit të Kosovës, ku u zhvilluan ngjarje që shënuan një kthesë të madhe në luftën për liri.
(Kosova Sot Online)
