Limaj tregon se çka biseduan me Hahnin, zbulon kushtin e qeverisë për heqjen e taksës - Lajme - Kosova Sot
Limaj tregon se çka biseduan me Hahnin, zbulon kushtin e qeverisë për heqjen e taksës

Limaj tregon se çka biseduan me Hahnin, zbulon kushtin e qeverisë për heqjen e taksës

Zëvendëskryeministri i Kosovës, Fatmir Limaj, ka folur për vizitën e komisionerit të Bashkimit Evropian, Johannes Hahn, në Kosovë.

Limaj thotë se kjo vizitë ka qenë i planifikuar të ndodhë para vendosjes së taksës. 

Sipas tij përveç diskutimeve për integrimet europiane, temë e pakalueshme ka qenë vendosja e taksës. 

Ai ka thënë se takimi i sot në ambientet e qeverisë ka qenë rast i mirë për ta njoftuar edhe njëherë komisionerin Hahn pse Kosova ka vendosur një masë të tillë.

Limaj ka thënë se kjo taksë mund të hiqet kur të arrihet një marrëveshje për njohje reciproke mes dy vendeve.

“Bashkimi Europian është i interesuar të gjejë rrugë me ardhe deri të zgjidhja. Kjo masë nuk është në vizionin e Kosovës dhe as të BE-së, sepse ideja është unifikimi e bashkëpunimi, por në këtë pjesë të rajonit kemi një situatë jonormale e cila kërkon zgjidhje. Janë dy vende që nuk e njohin njëra-tjetrën. Serbia përdor gjithë mekanzimin me shkatërru Kosovën dhe në një situatë të tillë ne kemi marrë masa vetëmbrojtëse. Koha ka ardhur të kemi një marrëveshje gjithëpërfshirëse kur dy shtetet e njohin njëra tjetrën. Qeveria e Kosovës është e gatshme të bisedoje për të gjitha çështjet e hapura me Serbinë dhe si përfundim njohjen reciproke mes dy vendeve”, ka thënë Limaj.

Ai ka thënë se veprimi për taksën është në mbrojtje të sigurisë nacionale. Ai ka thënë se në logjikën ekonomike është absurde të ketë barriera, por situata mes dy vendeve është thuajse armiqësore.

Serbia, sipas Limajt, ka tëntuar të bëjë panik, por ka dështuar në këtë pikë.

 

(Kosova Sot)

1 orë e 43 minuta më parë
16/12/18