Biserko: Dodik e Vulin, njihen si eksponentë rusë në rajon

Aleksandar Vulin, ish-ministër i Policisë, Mbrojtjes serbe dhe ish-kreu i Agjencisë së Sigurisë dhe Informacionit, i zgjedhur nga Aleksandar Vuçiq, i cili është në listën e zezë të SHBA-së dhe i cili është vlerësuar disa herë me Urdhrin e Federatës Ruse për bashkëpunim të suksesshëm në “sigurinë”, aktualisht ndodhet në Shën Petersburg, ku po merr pjesë në Takimin e 12-të Ndërkombëtar të Zyrtarëve të Lartë Përgjegjës për Çështjet e Sigurisë.

Ftesa i është bërë nga të Sekretari i Këshillit të Sigurimit të Rusisë, Nikolai Patrushev, edhe pse ai nuk ka asnjë funksion zyrtar në Serbi.

Sonja Biserko, kryetare e Komitetit të Helsinkit për të Drejtat e Njeriut, thotë për Danas se duke qenë se situata gjeopolitike në aspektin e sigurisë po ndryshon në mënyrë dramatike, Forumi i Sigurisë në Shën Petersburg, duke gjykuar nga agjenda, do të trajtojë problemet me të cilat përballet Rusia, veçanërisht në lidhje me agresionin e saj ndaj Ukrainës.

“Nuk është befasuese prania e paralajmëruar e Dodik dhe Vulin, të cilët njihen si eksponentë rusë në rajon. Motivimi kryesor është sigurisht Rezoluta për Srebrenicën, të cilën udhëheqësit serbë e shohin si një potencial për destabilitet në rajon. Delegacioni i Serbisë në Këshillin e Sigurimit përjetoi një shuplakë në fytyrë, kështu që liderët e interesit rus në rajon po llogarisin në angazhimin e saj aktiv për të parandaluar atë rezolutë. Në vend që të distancohen nga politika e Millosheviqit dhe krimet e kryera në emër të kësaj politike, qeveria aktuale dhe komuniteti akademik, me sjelljen e tyre dhe mohimin e vazhdueshëm të gjenocidit në Srebrenicë, po provokojnë të gjithë botën, e cila në mënyrë të pashmangshme udhëheq për izolimin e Serbisë, e cila nuk është në gjendje të tregojë as një minimum dinjiteti moral në raport me atë pjesë të historisë së saj të turpshme”, përfundon ajo.

(Kosova Sot Online)