Lexoni edhe:
PSG-ja përmbys Barcelonën me fitore bindëse dhe kalon në gjysmëfinale të Ligës së Kampionëve
Reuters raporton për rastin skandaloz të Akil Gjakovës: Fituesi i 62 medaljeve, në kërkim policor për dhunë në familje
Gjiganti mediatik “Reuters” ka shkruar për rastin e xhudistit kosovar Akil Gjakova, i dyshuar për dhunë në familje, transmeton "Kosova Sot Online ".
Policia e Kosovës të martën ka kërkuar nga qytetarët që të japin informacione rreth Gjakovës i cili ndodhet në arrati.
“Policia e Kosovës po kërkon nga të gjithë qytetarët që kanë informacion për vendndodhjen e të dyshuarit që ta lajmërojnë stacionin më të afërt policor”, thuhet në komunikatën e policisë së bashku me fotografinë e Gjakovës, pa dhënë më shumë informacione për akuzat. Mediat lokale thanë më herët se gruaja e tij kishte bërë një kallëzim në polici.
Gjakova, 28 vjeç, ka fituar 62 medalje në xhudo, duke përfshirë gjashtë të arta, që nga viti 2011 në gara të ndryshme ndërkombëtare dhe ishte caktuar të merrte pjesë në Lojërat Olimpike Paris 2024.
Federata e Xhudos së Kosovës tha se kishte qenë në kontakt me Gjakovën dhe besonte në pafajësinë e tij, duke thënë se ai ishte jashtë vendit dhe do t’i dorëzohej autoriteteve kur të kthehej.
Urdhër-arresti i Gjakovës vjen pasi vendi i vogël ballkanik u trondit kur një burrë vrau gruan e tij të martën, menjëherë pas një femicidi tjetër të premten e kaluar kur një bashkëshort vrau ish-gruan e tij.
Presidentja e vendit Vjosa Osmani shpalli të mërkurën ditë zie.
(Kosova Sot Online )
