Produktet natyrale për lëkurë të pastër
Për të thithur vetitë pozitive të këtyre ilaçeve shtëpiake, më së miri është t'i aplikoni natën. Kështu, do të shmangni reaksionet e mundshme, që mund t'i shkaktojë dielli
MASKË ME TËRSHËRË, KAMOMIL DHE MJALTË
Tërshëra është pastrues natyral, mjalti parandalon infeksionet dhe kamomili e zbut lëkurën
Përbërësit:
1 gotë çaj kamomili (250 ml) 1 lugë mjaltë (25 g) 2 lugë tërshërë (20 g)
Përgatitja:
Përgatitni çajin e kamomilit. E lini të ftohet. Shtoni mjaltin dhe tërshërën në enë dhe shtoni çajin. E përzieni dhe e aplikoni në fytyrë me brushë, kujdes sytë. E lini për 20 minuta dhe e shpëlani me ujë të ngrohtë.
MASKË PASTRUESE ME MJALTË DHE JOGURT
Jogurti është pjesë e shumë maskave, falë aftësisë për pastrimin e jogurtit. Kombinojeni me mjaltë për tretman më efektiv.
Përbërësit:
1/2 jogurt natyral (62.5 g) 2 lugë mjaltë (50 g)
Përgatitja:
Përzieni bashkë mjaltin dhe jogurtin. Aplikojeni në fytyrë dhe qafë. E lini për 25 minuta. E shpëlani me ujë të ngrohtë
MASKË ME LIMON DHE UJË TË ORIZIT
Uji i mbetur, pasi keni zier orizin, është shumë i shëndetshëm. Është i përsosur për pastrimin e lëkurës. Limoni ndihmon në heqjen e njollave.
Përbërësit:
1/2 e gotës ujë orizi (125 ml) Lëngun e 1 limoni
Përgatitja:
Ujin e orizit të zier e lini anash dhe e ftohni. Shtoni ujin dhe lëngun e limonit në një enë. Me pambuk përzierjen e aplikoni në fytyrën e pastruar. Përsëriteni çdo ditë para gjumit dhe e shpëlani në mëngjes
MASKË ME MJALTË DHE VEZË
Të kuqtë e vezës ka veti të shumta pozitive. Mjalti vepron si pastrues, antibakterial dhe antiseptik.
Përbërësit:
1 të kuqtë e vezës 2 lugë mjaltë (50 g)
Përgatitja:
1 të kuqtë e vezës 2 lugë mjaltë (50 g)
Përgatitja:
Përzieni të kuqtë e vezës dhe shtoni mjaltin. Krijoni avull në dush për të hapur poret. Aplikoni maskën dhe e lini për 15 minuta. E shpëlani me ujë të ngrohtë dhe e shpëlani me ujë të ftohtë.
MASKË ME LIMON DHE PAPAJË
Fryti i shijshëm tropikal është i shëndetshëm për lëkurën. Limoni është i përsosur për heqjen e njollave dhe pastrimin e lëkurës.
Përbërësit:
1 papajë Lëngu i 2 limonëve
Përgatitja:
Qëroni papajën dhe hiqni farat. Më pas, shtrydhni limonët. Përzieni bashkë papajën me lëngun e limonit. Pastrojeni fytyrën dhe aplikojeni maskën në fytyrë dhe qafë. E lini për gjysmë orë dhe e hiqni me ujë të vakët. Përsëriteni 3 herë në javë, gjithmonë gjatë natës.
MASKË ME MIELL NGA LEBLEBITË DHE DOMATET
Mielli nga leblebitë është një pastrues natyral. Domatet e zbutin dhe e hidratojnë lëkurën
Përbërësit:
5 lugë miell nga leblebitë (50 g) 3 lugë lëng domatesh (30 ml)
Përgatitja
Miellin e derdhni në një enë dhe shtoni lëngun e domates pak nga pak. E përzieni derisa pasta të formohet dhe aplikojeni në fytyrë dhe qafë. E lini maksimum 15 minuta dhe e shpëlani. Përsëriteni dy herë në javë.
(Kosova Sot)