Pesëvjeçari, me sëmundje të rrallë, po plaket në fëmijëri

Shenjat dhe simptomat e para përfshijnë rritjen e ngadaltë dhe rënien e flokëve dhe, më e keqja, ende nuk ka shërim për këtë sëmundje,raporton Gazeta Kosova Sot

Një pesëvjeçar nga qyteti i Adelajdës në Australi, përkundër shumë vështirësive, po e shijon jetën, ndonëse jeton me një sëmundje të rrallë gjenetike, që prek vetëm një në 18 milionë fëmijë në botë. Enzo Cornejo vuan nga një çrregullim shumë i rrallë gjenetik që quhet progeria, që njihet edhe si Sindroma 'Hutchinson-Gilford', që shkakton plakje të shpejtë të fëmijëve në dy vjetët e para të jetës së tyre. 

Lëkura e Enzo-s është shumë e hollë Shenjat dhe simptomat e para përfshijnë rritjen e ngadaltë dhe rënien e flokëve dhe, më e keqja, ende nuk ka shërim për këtë sëmundje. Drejtori i shkollës ku Enzo i vijon mësimet, Na Izzo, ka thënë se për shkak që lëkura e Enzo-s është shumë e hollë dhe mund të dëmtohet shumë lehtë, ai dhe stafi i shkollës, në kohën kur Enzo po përgatitej për ta filluar shkollimin, ishin kujdesur t'i mbulonin skajet e mprehta. 

Nuk i tregohet e vërteta Nëna e Enzo-s, Catherina Lontop, ka thënë: "Është shumë e vështirë sepse, si prind, gjithmonë druhesh se diçka e keqe mund t'i ndodhë djalit tënd. Megjithatë, një gjë që na ka ndihmuar shumë është fakti që fëmijët tjerë janë shumë të sjellshëm me të". Madje, një nxënës më i vjetër në moshë, me të cilin Enzo shoqërohet, ka thënë se e ndjen një lloj përgjegjësie për të shërbyer si 'truprojë' e Enzo-s. Zonja Lontop ka thënë që nëse Enzo pyet për sëmundjen e tij ata nuk e kanë ndërmend t'ia tregojnë të vërtetën pasi që mendojnë se mund të jetë i lumtur, pavarësisht sëmundjes. 

(Kosova Sot)