Durrës, polici kufitar lejoi të kalonte heroinë drejt Italisë, arrestohet - Lajme - Kosova Sot
Durrės, polici kufitar lejoi tė kalonte heroinė drejt Italisė, arrestohet

Durrės, polici kufitar lejoi tė kalonte heroinė drejt Italisė, arrestohet

SHÇBA ka arrestuar ditën e sotme një punonjës polici pasi akuzohet për shpërdorim detyre.

Mësohet se polici kufitar shpërdoroi detyrën duke lejuar të kalonin në vijën e parë të kontrollit 2 personave me lëndë narkotike edhe pse ishte në dijeni.

Shërbimi për Çështjet e Brendshme dhe Ankesat (SHÇBA), në Durrës, arrestoi në flagrancë punonjësin e Policisë Agim Shaba, me detyrë ndihmës kontrollor në PKK Durrës, për “Shpërdorim të detyrës”.

Një ditë më parë rreth orës 19:30, duke shkelur urdhrin e eprorit efektivi i Policisë kufitare ka lejuar kalimin në dalje nga Republika e Shqipërisë drejt Italisë, të Bashkim Hasani, megjithëse kishte informacione se ky i fundit do të kalonte materiale të kundraligjshme, në bashkëpunim me Laureta Lama.

Pas kontrolleve në dhomën e tragetit ku ishin akomoduar për udhëtim dy shtetasit e sipërpërmendur, agjentët e Antidrogës sekuestruan lëndën narkotike, për të cilën kishin informacion.

Arrestimi i Inspektorit Agim Shaba u krye për veprën penale të “Shpërdorimit të detyrës” parashikuar nga neni 248 i Kodit Penal. Materialet hetimore iu kaluan Prokurorisë për veprime të mëtejshme.

(Kosova Sot)

14 orë e 31 minuta më parë