Mehmeti: LUKSI KORPORATIVO-KRIMINAL E DEGRADOI ÇDO PARTI NË VEND! - Lajme - Kosova Sot
Mehmeti: LUKSI KORPORATIVO-KRIMINAL E DEGRADOI ĒDO PARTI NĖ VEND!

Mehmeti: LUKSI KORPORATIVO-KRIMINAL E DEGRADOI ĒDO PARTI NĖ VEND!

Analisti politik Faton Mehmeti, keqqeverisjen e Prishtinës nga VV-ja dhe ekipi i Shpend Ahmetit, Dardan Sejdiut, Liburn Aliut e Dardan Molliqajt e krahason akoma më të keq se klanin famoz "Pronto" për faktin se VV-ja e solli dhe e bëri pothuajse pronar të plotë të Prishtinës dhe aseteve më të vlefshme të kryeqytetit , edhe me letra, kompaninë "Devolli", për çka do të duhej një hetim i thellë e tepër serioz nga Prokuroria Speciale e Shtetit për të parë se si dhe pse ka ndodhur ashtu. "Nuk më habit fare fakti tragjik se Devollët e kanë kapur kriminalisht Prishtinën dhe tërë Kosovën. Kosova pa u çliruar definitivisht nga Devollët nuk mundet kurrë të ecë tutje përpara e në zhvillim e mirëqenie të saj.Të gjitha partitë politike, pa përjashtim, janë marioneta të tyre në këtë krim të organizuar, e të cilët çdo pasuri e kanë siguruar vetëm përmes bizneseve të pista dhe të dyshimta e kriminale. Janë disa klane që e udhëheqin Kosovën, ndër më të mëdhatë janë Devollët dhe " Pronto", të cilët kanë kapur çdo gjë në duart e tyre, dhe përmes tyre funksionon çdo gjë gjithandej e kriminalisht. S'duhet të habitemi pse Devollët edhe në Prishtinë kanë arritur të depërtojnë, askush nuk mund t"i ndalë ata, pasi kanë korruptuar tërë sistemin shtetëror e institucional, dhe kur korrupton sistemin nuk e ke problem fare që edhe njerëzit nëpër institucione të shtetit të korruptohen", u shpreh ai. "Korrupsioni dhe krimi nuk ka të bëjë vetëm me emra të përveçëm, por me një sistem të tërë, i cili është i kalbur dhe i tejkriminalizuar. Devollët kanë jaht dhjetëramilionësh, avion dhe çdo luks tjetër të ndërtuar mbi kurrizin e qytetarëve të Republikës së Kosovës, prandaj të gjithë politikanët shijojnë dhe ndajnë të mirat e krimit bashkë me Devollët, si shpërblim për tenderët që ua japin atyre kriminalisht. Unë gjithnjë kam qenë dhe jam i prirë të besoj dhe lutem se duhet që Prokuroria Speciale e Shtetit të hetojë të gjitha këto dyshime, të mbikëqyrë punën e çdo kryetari në vend, çdo tender që jepet të shikohet kujt i është dhënë dhe mbi bazë të çfarë kriteresh i është dhënë. Nëse nuk ndërtojmë mekanizma që ruajnë konkurrencën e ndershme dhe sigurojnë barazi para të gjithëve, vështirë të pritet që të ndodhë diçka ndryshe e pozitive", potencoi më tej Mehmeti. "Devollët, përveç politikës, kanë edhe mediet e tyre, të cilat propagandojnë 24 ore pandalshëm dhe bëjnë jehonë për politikanët e blerë e servilë të tyre, e të dëgjuarit e tyre. Duhet verifikuar një për një nga Prokuroria e Shtetit lidhjet në mes të VV-së dhe Devollëve të inkriminuar, e nëse ka diçka të vërtetë, atëherë të anulohen të gjithë tenderët që i kanë marrë Devollët, derisa të verifikohen të gjitha procedurat. Kosova duhet të ndërtojë sistem të drejtë dhe shtet ligjor", vlerëson në fund për gazetën analisti Faton Mehmeti.

(Kosova Sot)

41 minuta më parë