Një person nga ky vend i Kosovës gjendet i varur në objektin e biznesit të tij
Një person i moshës madhore është gjetur i varur në një objekt në fshatin Mleqan të Malishevës, ka konfirmuar zëdhënësi i Policisë së Kosovës për rajonin e Malishevës, Sheremet Elezaj, transmeton gazeta “Kosova Sot Online”.
Elezaj ka thënë se personi është gjetur i varur në objektin e biznesit të tij dhe se prokurori tashmë ka dalë në vendin e ngjarjes dhe po merren veprimet e nevojshme.
“Kemi pranuar informatën që një person është gjetur i varur në objektin e biznesit të tij në fshatin Mleqan. Prokurori publik ka dalë në vendin e ngjarjes dhe janë duke u marrë veprimet e nevojshme”, ka thënë ai.
Elezaj ka thënë se viktima është mashkull i moshës madhore megjithatë s’ka dhënë informacione të tjera.
(Kosova Sot Online)