Prizren: Një 74-vjeçar gjendet i vdekur
Një person është gjetur i vdekur sot në Prizren, përcjell “Kosova Sot Online”.
Lajmin e ka konfirmuar zëdhënësi i policisë për rajonin e Prizrenit, Vesel Gashi.
Gashi ka thënë se Policia dhe urgjenca me të marrë informatën, menjëherë kanë dalë në vendin e ngjarjes, ku mjeku kujdestar ka konstatuar vdekjen e 74-vjeçarit.
“Rreth orës 09:00 kemi pranuar një informacion nga një qytetar se një personi i është përkeqësuar gjendja shëndetësore në rrugën “Rrustë Kabashi”. Menjëherë në vendin e ngjarjes ka dalë policia dhe urgjenca, ku këta të fundit kanë konstatuar se personi, mashkull i moshës 74-vjeç ka vdekur”, ka thënë Gashi
(Kosova Sot Online)