Lexoni edhe:
Ushtria e Kosovës, kjo është skuadra e snajperistëve të ardhshëm të FSK-së
Edita Tahiri zbulon detajet e svidave të luftës, si u arrit pajtimi mes LDK-së dhe UÇK-së
Politikanja e njohur kosovare, Edita Tahiri ka bërë një rrëfim të padëgjuar me parë për jetën e saj, transmeton "Kosova Sot Online".
Tahiri ka treguar se në momentin që UÇK ka dal publikisht, ajo i kishte kërkuar kryetarit të LDK-së, Ibrahim Rugovës që LDK të bashkohet me UÇK-në.
“Rugova nuk reagonte, Agani me thoshte mirë e ke, mirëpo Rugova nuk fliste. Pastaj unë isha në Lubjanë dhe provova të bëjë bashkimin e LDK-së me UÇK-në, ku takova disa përfaqësues të UÇK-së atje. U ktheva prapë në Prishtinë, prapë provova, por nuk eci, atëherë dola publikisht: Koha që të bëjmë qeveri politiko-ushtarake LDK- UÇK”, ka thënë Tahiri.
Ajo thotë se kjo kërkesë nuk i kishte pëlqyer Ibrahim Rugovës. Kjo nuk e kishte ndalur atë, pasi sipas saj, pas shumë përpjekjeve edhe në Rambuje, ishte arritur bashkimi i LDK-së me UÇK-në.
(Kosova Sot Online )
“Ky bashkim bëri fuqi dhe ne arritëm një marrëveshje të mirë atje e cila rezultoi me bombardimin e Serbisë nga NATO”, ka thënë Tahiri
