Ultimatumi i Gabriel Eskobarit pse vetëm Kosovës dhe jo kundër Serbisë?!

Shkruan: ANALISTI-Skënder Mulliqi

A është interpretues Gabriel Eskobar i interesave amerikane në Ballkan, apo është në shërbim të politikës serbe?Kjo është paksa pyetje hipotetike por të përsëritësh të njëjtat gjëra me masa kërcënuese ndaj Kosovës së vogël, të cilën Amerika e Bushit dhe Klintonit e ndihmuan të çlirohet nga Serbia e Millosheviqit, është jo shumë miqësore nga ana e Eskobarit. Kësaj radhe Eskobar mendoj së nuk e qortojë Qeverinë Kurti, por i dërgoj një lloj ultimatumi. Thënë të drejtën nuk është pritur gjithë ky presion ndaj Kosovës, e asnjë fjalë ndaj Serbisë e cila po drejtohet nga një protagonistë i luftës të viteve të 90-ta, të shekullit të kaluar me presidentin serb, Aleksandër Vuçiq. 

Lexoni edhe:

Vendimi i Gjykatës Kushtetuese për pronat e Deçanit duhet ri hetuar dhe ri gjykuar

Eskobar në njërën anë thotë së ndalim qarkullimi i dinarit serb në Kosovë, është bërë në mënyrë të paligjshme dhe së është dashur të mendohet ndryshe, që veç në kokat imagjinare mund të ekziston diçka e tillë. BQK –ja është organ i ligjshëm zoti Eskobar , jo i paligjshëm siç e quani këtë veprim për ndalim të dinarit serb si valutë valide në Kosovë .Problemi nuk është më Kurtin siç theksoni ju, sepse kryeministri i Kosovës, Albin Kurti përfaqëson jo interesat e veta por interesat e Kosovës . Ai po mbron sovranitetin dhe integritetin e Republikës. Minoriteti serbe nuk ka zbritur nga qielli. Ai duhet të integrohet në shtetin e ri të Kosovës, e jo të instrumentalizohet për interesa te Serbisë të Vuçiqit. Pastaj, ju vazhdoni të kërkoni implementimin e Asociacionit , ku shpreheni së nuk është antikushtetues, e është antiligjor dhe antikushtetues fund e krye. Amerika zoti Eskobar e ka pranuar pavarësinë e Kosovës së bashku më BE-në, në përjashtim të katër shteteve. GJNDja , nuk e ka kontestuar shpalljen e pavarësi të Kosovës, e ka legjitimuar. Dhe, ju z. Eskobar po kërkoni që Kosova të pranon diçka që është e pamundur, duke shkelur më të dyja këmbët mbi ligjet dhe kushtetutën e vendit. Ekziston Asociacioni legjitim i komunave shqiptare , ku e kanë vendin edhe komunat më shumicë serbe. Asociacion i veçantë nënkupton edhe të drejta të veçanta apo speciale për minoritin serb, që është pushtet i tretë, i pa pranueshëm për Kosovën. Kjo teori çfarë e pretendoni ju në këtë rast , nuk është në përputhje më interesat e Kosovës .Kjo nuk është as në përputhje më demokracinë , stabilitetin e paqen në Ballkan. Kosova nuk ka qenë as nuk është agresori. Serbia është ajo që ka shkaktuar gjenocid, e cila edhe tash po nxitë luftë të re në rajon së bashku më Rusinë. Shumë padrejtësisht jeni duke ja vu Kosovës mike lakun në fyt për interesa gjeopolitike , apo nga frika luftës nga Putin dhe Vuçiq, apo nga ndonjë interes tjetër. Mos kërkoni prej nesh për të shtyrë veten kah diçka që është jo legjitime. Mos kërkoni të na vëni në pozicion të kokës së ulur, kur Serbisë nuk i kemi asnjë borxh, përkundrazi Serbia u ka borxhe të mëdha shqiptarëve. Serbinë që shumë kohë e ka mbuluar errësira mesatare për pushtimin e tokave shqiptare, e që kurrë më nuk do ti lejohet, e më asnjë çmim, përkundrazi të ecjes zvarritëse të një pjese të opozitës nga e cila edhe po kërkoni ndihmë .Për ju duket së nuk ka fare rëndësi së çka po bëjnë Serbia irrituese më përfaqësuesit terrorist në veri , që më dhunë dëshirojnë të ndajnë Kosovën! Ju zoti Eskobar e dini mirë për zgjimin e aleancave të vjetra. I dini mirë idenë shoviniste serbe “ të gjithë serbët në një shtet”, e cila po tentohet të realizohet më luftë nga Vuçiqi më ndihmën e Putinit.

Shkrimet në këtë rubrikë nuk shprehin qëndrimet e gazetës "Kosova Sot Online".