Shpëtimtarët kundër hundës së bllokuar
Hunda e bllokuar është gjendje që shfaqet shpesh gjatë ditëve të dimrit, e shkaktojnë inflamacionet, ftohjet virusale dhe ajri i thatë. Nëse dëshironi ta zgjidhni këtë problem, ju sjellim gjashtë ilaçet natyrale nga kuzhina,transmeton gazeta Kosova Sot.
VAJI ETERIK I MENTËS
Disa pika vaj eterik të mentës i hidhni në një leckë apo peshqir. E ofroni te hunda dhe merrni frymë thellë, së paku dhjetë herë. Vaji eterik i mentës hap rrugët e frymëmarrjes.
HUDHRA
Thelbin e hudhrës e ndani në copëza dhe e konsumoni me pak bukë, sandviç apo me cilëndo shujtë. Nëse e duroni shijen pikante të hudhrës, e copëtoni dhe për dhjetë herë thithni aromën e saj. Mund edhe ta përtypni, më pas ta pështyni.
UTHULLA E MOLLËS
Kundër hundës së bllokuar si pasojë e ftohjeve, vloni gjysmë ujë dhe aty shtoni rreth tre lugë uthull të mollës. E lakoni kokën sipër enës, mbuloni kokën me peshqir dhe thellë e thithni avullin.
UJI I NJELMËT
Kjo është një masë e shkëlqyeshme parandaluese, ndikon edhe te mukoza tashmë e ndaluar. Vloni gjysmë litër ujë dhe shtoni 1 lugë kripë deti. Kur të jetë tretur, lakoni kokën sipër dhe thithni avullin, derisa kokën mbuloni me peshqir.
RRIKA
Grini një sasi të vogël të rrikës dhe e përzieni me një lugë mjaltë. Përzierjen e aplikoni në gjuhë dhe para se ta përpini, merrni frymë thellë përmes hundës nja dhjetë herë.
RRËNJA E MËLLAGËS SË BARDHË
Rrënjën e mëllagës së bardhë e copëtoni në copëza dhe e hidhni në një litër ujë të ngrohtë. E lini të qëndrojë ashtu për rreth 30 minuta, më pas e zieni. Ulni kokën sipër enës, mbuloni me peshqir dhe merrni frymë thellë.
(Kosova Sot)