Investoi 6 milionë $ 4 vite më parë, ja fitimi marramendës që ka bërë Kobe Bryant

  • 17 August 2018 - 12:29
Investoi 6 milionë $ 4 vite më parë, ja fitimi marramendës që ka bërë Kobe Bryant

Pija “BodyArmor” në të cilën Kobe Bryant kishte investuar 6 milionë dollarë në mars të vitit 2014, është blerë pjesërisht nga kompania “Coca Cola” dhe tani vlera e aksioneve që ka blerë Kobe Bryant 4 vite më parë ka kapur vlerën e 200 milionë dollarëve.

Pra, në vetëm 4 vite e gjysmë, vlera e aksioneve të Kobe Bryant është rritur 30 herë më shumë nga momenti kur ai i ka blerë.

Ish-basketbollisti i NBA-së është investitori më i madh i pijes “BodyArmor”, që kërkon të jetë rival i një tjetër pije në treg si “Gatorade”. Kur Bryant investoi te “BodyArmor” ajo shiste pije me vlerën e 10 milionë dollarëve, ndërsa në fund të 2018-ës pritet që shifra të shkojë në 400 milionë dollarë nga shitja në treg e produktit.

 

(Kosova Sot)