Lexoni edhe:
Këta janë emrat e biznesmenëve që iu sekuestruan villat në Brezovicë
Trajneri Luciano Spalletti e ka marrë një lajm mjaft të keq. Amir Rrahmani, lideri i repartit defanziv të Napolit, i cili është rritur tej mase në dy sezonet e fundit, nuk do të mundë ta ndihmojë liderin e Serie A për një kohë.
Përfaqësuesi kosovar në fakt e ka pësuar një tërheqje muskulore në kofshën e këmbës dhe klubi italian beson se ai do të rikthehet vetëm në vitin 2023. Kjo duke e pasuar parasysh se pjesa e dytë e nëntorit e deri në pjesën e dytë të dhjetorit do të jetë e mbuluar me Kampionatin Botëror “Katar 2022”, e më pas janë festat e fundvitit dhe ligat pushojnë. Gjithnjë sipas mediave italiane, Rrahmani do t’i humbë 9 ndeshje me Napolin: kundër Ajaxit, Liverpoolit, Rangerit, Bolognës, Romës, Sassuolos, Atalantës, Empolit e Udineses. Janë këto 9 ndeshje mjaft të rëndësishme për Napolin, i cili këto ndeshje duhet t’i përballojë pa njërin prej mbrojtësve më të mirë të tij.
Këta janë emrat e biznesmenëve që iu sekuestruan villat në Brezovicë Lexoni edhe:
Qysh sonte, atë do ta zëvendësojë Ostigard ndaj Ajaxit në Champions. Rrahmanin mund ta zëvendësojë edhe braziliani Juan Jesus, i cili në ndeshjet e ardhshme mund të luajë përkrah Kim. Napolit po i ecin punët mjaft mirë deri tash këtë sezon: ky ekip është lider i Serie A dhe i grupit të tij në Ligën e Kampionëve.
(Kosova Sot Online )