Guardiola: Ndeshja me Arsenalin do të jetë një finale

Manchester City ka shënuar fitoren e radhës duke e mposhtur në shtëpi 3:1 Leicesterin në kuadër të javës së 31-të në Premierligë.

John Stones kaloi vendasit në epërsi me një gol të bukur në minutën e pestë të ndeshjes.

Erling Haaland e dyfishoi epërsinë në minutën e 13-të kur realizoi nga penalltia.

Në të 25-tën ishte sërish Haaland që realizoi golin e dytë personal sonte dhe të tretin për Cityn.

Pas ndeshjes, trajneri i Manchester Cityt, Pep Guardiola tha se ndeshja ndaj Arsenalit do të jetë një finale.

“Ne duhet të fitojmë, të fitojmë dhe të fitojmë. Për ne ishte e rëndësishme të fitonim sot për të arritur në ndeshjen me Arsenalin, që do të jetë një finale”, tha ai.

(Kosova Sot Online)