Deco e konfirmon se Roque do të nënshkruajë për Barcelonën, pyetet edhe për dështimin me Gulerin

E.K /
10 July 2023 - 19:22

Deco ka konfirmuar se sulmuesi i ri, Vitor Roque, do të nënshkruajë për Barcelonën.

18-vjeçari do të transferohet në “Camp Nou” pasi u arrit një marrëveshje me Athletico Paranaense, që besohet se është 30 milionë euro.

Ai pritet t’i bashkohet “Blaugranëve” në janar të vitit të ardhshëm, pasi momentalisht Barcelona nuk ka hapësirë të mjaftueshme në kufirin e pagave për të përfunduar marrëveshjen dhe për ta regjistruar atë si lojtar të ekipit të parë.

Deco u pa duke dalë nga një restorant ku ai ishte takuar me Mateu Alemany, me sa duket për të diskutuar për nënshkrimet.

Kur u pyet Roquen, ai u përgjigj: “Sigurisht që jam i kënaqur, ai është një lojtar shumë i mirë”.

I pyetur se kur do të zyrtarizohej marrëveshja, ai tha: “Nuk e di, i takon klubit”.

Deco u pyet gjithashtu për Arda Guler, i cili nënshkroi me Real Madridin javën e kaluar. Ai kishte udhëtuar në Stamboll për t’u takuar me mesfushorin turk dhe kur u kthye, në Barcelonë kishte optimizëm për një marrëveshje.

I pyetur se çfarë ndodhi për të ndryshuar gjërat në mënyrë kaq dramatike, Deco thjesht tha: “nuk e di”.

(Kosova Sot Online)