Lexoni edhe:
Kjo është vajza nga Ukraina që u martua në Kosovë
“Jam njeriu më i lumtur në botë”, flet heroi i ri i Realit
Andriy Lunin dikur ishte portieri i tretë i Real Madridit.Por, ukrainasi punoi fort dhe nuk u dorëzua asnjëherë për të arritur në ditët ku është sot, transmeton "Kosova sot Online".
Ai në këtë edicion e shfrytëzoi për mrekulli lëndimin e Thibaut Courtois dhe formën jo shumë të mirë të Kepa Arrizabalaga dhe u bë portieri i parë i “Los Blancos”.
E 25 vjeçari u bë hero i “Mbretërve të Spanjës” mbrëmë në ndeshjen e kthimit çerekfinale të Ligës së Kampionëve.
Portieri ukrainas bëri paraqitje fantastike duke i shpëtuar spanjollët, ndërsa ishte protagonist mbi të gjitha në gjuajtjet e penalltive duke ia mundësuar ekipit të Carlo Ancelottit kualifikimin në gjysmëfinale.
“Puna e madhe u shpërblye. Jam mjaft i lumtur që e ndihmova Real Madridin dhe më duhet ta falënderoj këtë grup futbollistësh për mbështetjen. Jam njeriu më i lumtur në botë”, tha Lunin pas lojës.
Ai i ishte bashkuar Realit në vitin 2018 si portier i tretë, ndërsa i kishte pranuar huazimet në Leganes, Valladolid e Oviedo.
Edhe këtë sezon e nisi si portieri i tretë, ndërsa kundër RB Leipzig i bëri 9 pritje.
E mbrëmë i bëri 8 pritje të tjera kundër Manchester Cityt në “Etihad Stadium”, ndërsa i bëri dy pritje historike të penalltive duke e ndihmuar ekipin e tij që ta presë biletën e gjysmëfinales së Championsit.
(Kosova Sot Online )
