Mërgimtarët dërguan 112.13 milionë euro në Kosovë në muajin mars

Mbi 112 milionë euro është vlera e dërgesave të mërgatës që janë sjellë në Kosovë për muajin mars 2024, përcjell “Kosova Sot Online”.

Kështu thuhet në statistikat e remitancave dhe institucioneve tjera financiare për këtë periudhë, të publikuara nga Banka Qendrore, duke shtuar se vlera totale e tyre për tre muaj, sipas vlerësimeve, ka arritur në 284.07 milionë euro.

Sipas raportit, prurjet më të mëdha të remitancave ishin nga institucionet financiare jo- bankare me pjesëmarrje prej 64.46 për qind, pasuar nga kanalet tjera me 23.34 për qind dhe bankat me 15.20 për qind.

(Kosova Sot Online)