Portugalia mban zi për 36 viktimat e zjarreve të mëdha
Portugalia i ka shpallur tri ditë zie kombëtare, duke filluar nga sot, për viktimat e zjarreve që e kanë kapluar vendin.
Të paktën 36 persona vdiqën gjersa qindra zjarre kapluan zonat qendrore dhe veriore të Portugalisë të dielën dhe të hënën.
Zjarret u shkaktuan nga moti i thatë dhe u përshpejtuan nga erërat atlantike të sjella nga uragani “Ofelia”.
Numri i madh i zjarreve e ka detyruar Portugalinë të shpallë gjendje të jashtëzakonshme në zonat veriore të lumit Tagus.
Kryeministri portugez, Antonio Costa, tha në një komunikatë se kjo është vala më e madhe e zjarreve që vendi i tij e ka përjetuar që nga viti 2006.
(Kosova Sot)