SHBA-të përgëzojnë Kosovën dhe Malin e Zi për demarkacionin

Shtetet e Bashkuara të Amerikës përgëzojnë Qeverinë e Kosovës dhe të Malit të Zi për arritjen e marrëveshjes për demarkacionin e kufirit ndërmjet dy shteteve.

Në një komunikatë të lëshuar nga Departamenti i Shtetit i SHBA-ve, e cila i referohet edhe nënshkrimit të marrëveshjes për demarkacionin e kufirit ndërmjet Bosnjës dhe Hercegovinës dhe Malit të Zi, thuhet se këto marrëveshje do të kontribuojnë në paqen dhe stabilitetin në Ballkan, si dhe në avancimin e rrugës integruese euroatlantike të rajonit, transmeton Kosova Sot Online.

“Shtetet e Bashkuara të Amerikës përgëzojnë qeveritë e Bosnjës dhe Hercegovinës (BiH), Kosovës dhe Malit të Zi, për nënshkrimin e marrëveshjeve për shënjimin e demarkacionit të kufijve ndërkombëtarë ndërmjet BiH dhe Malit të Zi, si dhe ndërmjet Kosovës dhe Malit të Zi. Këto marrëveshje, të nënshkruara gjatë Samitit të Ballkanit Perëndimor, do të kontribuojnë për paqen dhe stabilitetin në Ballkan dhe do të avancojnë progresin e rajonit drejt integrimeve euroatlantike”, thuhet në komunikatën e Departamentit të Shtetit të SHBA-ve.

(Kosova Sot)