Messi mposht Ronaldon, lojtari më i mirë i La Ligas
Leo Messi është shpallur lojtari më i mirë i La Ligas për vitin 2017
E përditshmja spanjolle Marca ka përzgjedhur yllin e Barcelonës, Leo Messi si futbollistin më të mirë të La Ligas për vitin 2017, duke ia dhuruar trofeun Alfredo di Stefano.
Argjentinasi kështu ka mposhtur Cristiano Ronaldon, i cili ka fituar shumicën e trofeve individual dhe kolektiv.
Pas çmimit, Leo Messi tha se është i lumtur, pasi ky çmim është special për të.
“Eshtë çmim shumë special. Ishte shumë mirë që e takova Di Stefanon”, tha Messi pasi mori çmimin.
Ky ishte trofeu i pestë Di Stefano në karrierë që e mori Leo Messi.
Argjentinasi po ashtu mori edhe çmimin e golashënuesit më të mirë, pasi sezonin e kaluar kishte shënuar 37 gola.
(Kosova Sot)
