E rrallë: 11-vjeçarja bëhet nënë (Video)

Një 11 vjeçare nga Britania, sipas të gjitha gjasave del të jetë nëna më e re. Policia ka filluar hetimet në lidhje me rastin sepse edhe babai i këtij fëmije është vetëm disa vjet më i madh se sa vajza shkruan Dailymail.

Ky fëmijë, identiteti i të cilës ende nuk është zbuluar, pritet të lind në të ardhmen e afërt fëmijën e saj. Policia ka bërë të ditur se vetëm disa të dhëna mund të bëhet publike, për arsye ligjore.

Kohë më parë rekordin për nënën më të re në Britani e mbante një 12 vjeçare e cila u përdhunua nga vëllau i saj.Teresa Middleton, nga Skocia është vajza e cila ishte vetëm 12 vjeçare kur kreu lindjen e saj të parë. Middleton është kujdesur dy vitet e para për vajzën e saj Annie por pastaj është marrë në kujdes nga Policia kur këta të fundit kuptuan identitetin e babait të vajzës. Tashmë Teresa është një 23 vjeçare e cila ka vendosur të tregoj historinë e saj të dhimbshme, ajo tregon momentin kur ia morën vajzën nga duart.

Ky vendim nga autoritetet e kanë bërë atë të përhumbet. Jeta e saj kishte qenë tmerr pa vajzën e saj. Ajo vitet e para pa vajzën i kaloi duke përdorur alkool, drogë e duke qenë e abuzuar. Deri sa në një moment ajo bëri një test shtatzënie dhe kuptoj se po priste fëmijën e saj të dytë por kësaj radhe me të fejuarin e saj Darren Young i cili është 30 vjeçar, ata kanë qenë në një lidhje prej 7 vitesh. 

“Unë vetëm dua që kësaj radhe gjërat të jenë në rregull përreth meje” tha ajo “Jam shumë e lumtur dhe që tani e dua shumë beben time”. 

Ajo më tutje shtoj se ajo çfarë i kishte ndodhur asaj kohë më parë me vajzën e parë kishte ndikuar vërtet shumë në jetën e saj. “Nuk do të lë asgjë dhe askënd që kësaj rradhe të ma shkatërrojne parajsën time, me beben time”. Por Middelton tha që kurrë a sgjë nuk do ta zëvendësoj vajzën e saj të parë e cila tashmë është një 11 vjeçare. Zonja Middelton kishte qenë nëna më e re në Britani deri në vitin 2014, derisa një vajzë nga veriu i Londrës mbeti shtatzëne dhe ishte 5 muaj më e re se Teresa.

(Kosova Sot)