Lexoni edhe:
Arteta arsyetohet për humbjen e Arsenalit kundër Leicester City
Mourinho thotë se Tottenhami është ende shumë larg Real Madridit të tij të vjetër
Jose Mourinho ka thënë se Tottenhami ende është shumë larg nivelit të ish-ekipit të tij të Real Madridit.
Nën udhëheqjen e Mourinhos, Tottenhami i ka shënuar 31 gola në nëntë ndeshjet e fundit në të gjitha garat, me Harry Kane dhe Heung-min Son që i kanë prirë sulmit.
Ekipi i Real Madridit me të cilin Mourinho e fitoi La Ligën në sezonin 2011/12 i kishte shënuar 121, i kishte pranuar vetëm 32 dhe i kishte grumbulluar 100 pikë.
Pavarësisht sulmit mbresëlënës të Tottenhamit, Mourinho e pranon se ekipi i tij edhe është duke kërkuar ta gjejë një baraspeshë pasi ka të meta në mbrojtje, të cilat u zbuluan sidomos e lëshoi nga dora një epërsi prej 3:0 në 10 minutat e fundit kundër West Hamit javën e kaluar.
“Në Real Madrid, kam pasur lojtarë të mahnitshëm, vërtet mahnitshëm, në sulm dhe atje ia dolëm ta ndërtojmë ekipin në mënyrë të caktuar”, tha Mourinho.
“Duhet të jem i sinqertë dhe të them se kemi shumë lojtarë të mirë sulmues këtu, por na duhet t’i ofrojmë stabilitet ekipit sepse ekipi ka nevojë të jetë stabile dhe i fortë e me vetëbesim në mbrojtje. Pra duhet ta gjejmë një baraspeshë”, shtoi ai.
(Kosova Sot Online)
