Solari: Asgjë nuk është e pamundur për Real Madridin, do të luftojmë në të tri frontet

Santiago Solari beson se asgjë nuk është e pamundur për Real Madridin e tij dhe këmbëngul se do ta udhëheqë skuadrën në të tri frontet, La Liga, Ligën e Kampionëve dhe Kupën e Mbretit.

Megjithëse ngel shtatë pikë prapa rivalit dhe liderit të La Ligës, Barcelonës – e cila ndeshjen e mbetur të javës së 20 do ta zhvillojë ndaj Leganes sot në “Camp Nou” – trajneri Solari këmbëngul se do të luftojë për titull deri në fund.

Argjentinasi i bëri këto komente pasi e udhëhoqi Madridit drejt një fitoreje të rëndësishme 2-0 ndaj Sevillës të shtunën në “Santiago Bernabeu”.

Të bardhët i kanë kaluar dy teste të vështira ndaj Real Betisit dhe Sevillën, duke ia ngritur vetes vetëbesimin.

“Do të luftojmë në të gjitha garat deri në fund. Asgjë nuk është e pamundur për Real Madridin. Tri pikë gjithmonë vlejnë më shumë kur fitohen ndaj një rivali të drejtpërdrejt”, tha Solari.

Madridi është në 1/8 e finales së Ligës së Kampionëve dhe përballë do ta ketë Ajaxin. Ndërsa, në Kupën e Mbretit do të përballet me Gironën në fazën çerekfinale.

(Kosova Sot)